Vatan uchun millat uchun xalq uchun
“O‘zaviatsiya” agentligida O‘zbekiston Respublikasi mustaqilligining 34 yilligiga bag‘ishlangan bayram tadbiri bo‘lib o‘tdi. Tadbir davlatimiz madhiyasi sadolari ostida va “Vatan uchun, millat uchun, xalq uchun!” degan ezgu gʻoyani oʻzida mujassam etgan holda, ko‘tarinki ruhda o‘tkazildi.
Mustaqillik – xalqimizning eng ulug‘ va eng aziz ne’mati. Uni asrab-avaylash, Vatan ravnaqi yo‘lida fidokorona xizmat qilish esa har birimizning sharafli burchimizdir.
Tadbirni “O‘zaviatsiya” agentligi direktori T.A.Nazarov ochib berdi va mustaqilligimiz davrida xalqimizning ulkan jasoratini, mustaqillik Vatanimiz va xalqimiz hayotida ulkan o‘zgarishlar yaratgani, yurt taraqqiyoti yo‘lidagi muhim ahamiyati va bebaho qadri haqida alohida to‘xtalib o‘tdi.
Shuningdek, mamlakatimiz taraqqiyotida fuqaro aviatsiyasi sohasining barqaror rivojlanishida parvozlar xavfsizligining ta’minlanishi muhim ahamiyatga ega ekanligi taʼkidlab o‘tildi.
